|
Marked by AGOSTINO CROCE'
|
|
lunedì, 18 febbraio 2008 |
|
Un' Omaggio a Reggio Calabria ed alla Calabria intera
Reggio, che fosti fatta per colpire gli occhi, per far tremare il cuore,
la posizione tua, bellissima, fra mare e cielo, che diventa colpa,
sia segno invece della forza divina, che regalò soavi tinte a soave terra,
mai ricambiata dalle tue umane presenze legate alle parti.
Reggio che vedi dilaniata la tua beltà, che scruti, attonita,
partire i tuoi figli nel dolore della forzosa lontananza
e nel rimpianto di ciò che poteva essere e non fu mai.
|
|
|
Marked by Gregorino Capano
|
|
lunedì, 11 febbraio 2008 |
Puru chist’annu ‘a hesta hunìu, Santu Roccu sinda jìu ed a nnui
hortuna portàu, aru pajisi tutta ‘a hamigghja mia arrivàu ed
all’appuntamentu corc’unu mancàu. Parìa nu’ quatru e Picassu
a hamigghja nostra cu tutti sti nipotini ntornu e nzema a nnui.
Purtroppu ara bedra hesta sulu màmmama bonanima mancàu,
u Signori accussì vozza, sa’ pigghjàu prestu du’ anni hà ed a nnui
a vucca amara ni dassàu. Eranu sett’anni chi e’ Santu Roccu on
benìa, però u Santu ari sanzostari ni vola bbena e non ni dassa mai.
|
|
|
Marked by Gregorino Capano
|
|
lunedì, 11 febbraio 2008 |
All’arva ‘e tutti i jorni, na’ vecchjarèdra vacia ara Marina cu’ nnu
sportuni ‘mbìlicu supa a testa ed intru ava nu’ pocu e cumpanàticu.
Oja c’è ‘a vindigna ‘ntru cumpara soi e passu dopu passu arriva drà,
cogghja zzuppuni supa zzuppuni e quando a sporta è cchjna, sa’ metta ‘ntesta.
U carricu è pisanti ma idra duluri on zenta, mancu nà guccia ‘e suduri li
scinda mprunti, hatica, patiscia e non s’incriscia mai, pecchì sapa ca’
hacia parta da vita sua, nudru pota cangiara chidru chi ‘u Signuri vozza.
Si motica cu’ ppassu lentu, mo’ s’aiuta cu’ i rami e doppu cu ru vastuni hinu ara casa.
|
|
|
Marked by Gregorino Capano
|
|
sabato, 05 gennaio 2008 |
A vitta chi passava sula sula
avìa nu maccaturi supa a testa,
parìa na himmanuna arta du’ metri
mbeci e vicinu vitta ca era vascia.
Doppu nu’ pocu si carricàu nu’ pisu
era nu’ sportuni chjnu e hicandiàni.
Stacìa jendu u mi vinda a Suvaratu
pecchì era vènnari aru mercatu.
Cu’ tutti i ciucci e l’api chi avìa ara casa
pecchì sta himmanedrà suffrìa accussì?
Ma idra on bolìa u si modernizza
pecchì l’allenamentu volìa tenìra. |
|
|
Marked by Gregorino Capano
|
|
sabato, 05 gennaio 2008 |
|
Quandu arrivava u tempu da Naca
pe’ nnui guagliuni era na’ hesta randa,
tri o quattru misi prima, jìamu ari mastri
hallignàmi pemmu u ni hacìmu costruìra
i tocchi e carici cchjù rannda chi ppotìamu.
I strumenti i provàumu prima da’ hesta.
I tocchi e ri carìci eranu e tanti misuri
corcùnu i costruìa cu’ nna canna e menzu
rocchèdru e lignu, u Zzaru e ru Pantò ni
regalava. Ntantu attri guagliuni jìanu a Lurzi
pemmu u pigghjanu i spicanardi, l’ungìanu
e petrolu e l’abbampàunu l’intera nottata. |
|
|
|
<< Start < Prev 1 2 Next > End >>
|
| Results 1 - 9 of 13 |
Sei in: Home 
The literature and the poetry 
